Taga Maasin nga seafarer nga nag-positibo sa COVID-19, suportahan sang LGU – Maasin Mayor Francis Amboy

By: Khenjo Terco | Via Aksyon Radyo Iloilo

Maasin – Nagpasalig si Maasin Mayor Francis Amboy nga suportahan nila ang seafarer nga tumandok sang ila banwa nga nag-positibo sa COVID-19.

Natalana kuntani nga magpauli subong nga semana ang 28-anyos nga seafaer apang nadiskubrehan nga positibo siya sa COVID-19.

Marso 24 nag-abot sa Cebu ang seafarer nga wala sang sintomas sang COVID-19.

Nagakuha pa sang dugang nga detalye ang Aksyon Radyo Iloilo sa status sang seafarer.

Magluwas sa taga Maasin, may OFW man taga San Enrique nga nagpositibo sa COVID-19.

Ginkumpirmar ini ni San Enrique Mayr Trixie Fernandez apang gin-athag nga yara sa Manila ang nagpositibo nga OFW.

Wala nalakip sa 58 confirmed COVID-19 cases sa Western Visayas as of April 25 ang mga OFWs nga taga Maasin kag San Enrique.