Iloilo City, wala nalakip sa mga lugar na ginlawag ni Pres. Duterte nga magapabilin sa MGCQ pagkatapos sang Mayo 31

By: JoMaque | May 29, 2020

Manila — Wala nadala ang Iloilo City sa mga lugar nga ipabilin sa General Community Quarantine bangud sa COVID-19 pagkatapos sang Mayo 31, 2020.

Sa iya nga address to the nation kagab-i, ginpabutyag ni Presidente Rodrigo Duterte nga magapabilin ang GCQ sa Regions II, III, IV-A, Pangasinan kag Albay.

Mapabilin man suno sa iya nga mapa-idalum sa GCQ ang Davao City, samtang, “The rest of the country will be placed under modified GCQ.”

APPEAL SANG ILOILO CITY

Ginkumpirmar ni Iloilo City Mayor Jerry Treñas nga nagpadala siya kahapon sang hapon sang apelasyon sa national Inter-Agency Task Force nga isaylo sa modified GCQ ang syudad.

Sa iya appeal, ginpabutyag sang alkalde nga may medical capability ang syudad, dyutay na lang ang COVID-19 cases, kag kinahanglan na liwat nga mag-operate ang mga negosyo bangud apektado na ang labor and employment.

Nagalaum ang alkalde nga ang ginlawag sang presidente amo na ang final nga desisyon. | via RTVM/Firingline