Nagpakilala nga respresentative sang construction firm, dakop sa entrapment operation

By: JoMaque | June 12, 2020

Iloilo City—Nadakpan sa entrapment operation sang Jaro Police kag Intel Operatives sang Iloilo City Police Office ang nagpakilala nga sub-contractor nga may ginapangayo nga inugbayad para sa igasumiter nga bid documents.

Ginkilala ang nadakpan kay Pepito Magbanua, 51-anyos sang Barangay San Nicolas, La Paz.

Nagpakilala si Magbanua nga authorized representative sang A.D Marrero General Construction kag RAF construction.

Ginpangayuan ni Magbanua sang P20,000 ang tagreklamo nga si Ramon Blanco, 45-anyos sang Sto. Rosario, City Proper para sa bids documents sa isa ka proyekto sa Provincial Capitol.

Nagduda si Blanco kabangdanan nagpangayo sang bulig sa pulis kag naghimo sang estrapment operation.

Pagdaho ni Magbanua sang kwarta gilayon siya nga gindakop sang pulis kag ginpangitaan sang nagakaigo nga dokumento kun representative siya sang construction firm apang wala sang may napakita.

Nagpamalibad magpa-interview si Magbanua nga preso na sa Jaro Police Station.