1 patay sa engkuwentro sa Miag-ao — Phil. Army

By: JoMaque | June 29, 2020

Iloilo–Patay ang miembro sang New People’s Army (NPA) sa engkwentro sa tunga nila sang tropa sang gobyerno sa Sitio Lay, Barangay Dalije, Miagao pasado las 11 kaina sang aga.

Na-recover man sa area ang isa ka M16 rifle.

Suno kay Major Cenon Pacito III, spokesman sang Philippine Army, wala naman sang casualty sa bahin sang mga suldado.

Nagapadayon ang hot pursuit operation.

Naka-engkwentro suno sa iya sang 61st Infantry Battalion sang Philippine Army ang Suyak Platoon sang Southern Front sang kilusang Rehiyong Panay sa idalum ni Ka Lex.

Ang ginluntaran sang engkwentro suno kay Pancito, mas malapit sa Sibalom, Antique kag San Joaquin, Iloilo pero sakop sang Miag-ao.

Wala pa na-identify ang casualty. | via BBB