16 ka bag-o nga kaso ang COVID-19 sa Western Visayas, na-record sang DOH6 subong nga adlaw

By: JoMaque | July 4, 2020

ILOILO CITY – 16 ka bag-o nga kaso sang coronavirus disease (COVID-19) ang nadugang sa Western Visayas subong nga adlaw, July 4.

Base ini sa case bulletin nga ginpaguwa sang Department of Health 6 subong nga gab-i.

Kadamuan sa bag-o nga kaso ang mga locally stranded individuals (LSIs).

Ginkumpirmar sang DOH 6 nga naka-facility quarantine ang mga bag-o nga kaso.

May isa man ka kaso halin sa iban nga rehiyon nga na-detect sa Western Visayas.

Samtang may duha ka bag-o nga recoveries sa rehiyon.

Bangud sini, 381 na ang kabug-usan nga kaso sa rehiyon 6 nga ginalakipan sang 220 active cases, 150 recoveries kag 11 gihapon ang nagkalamatay. | Via DOH 6