Asymptomatic patients nga na-release na pagkatapos sang 14-day quarantine, indi na kinahanglan pa mag-quarantine liwat bisan magpositibo sa RT PCR test – DOH 6

By: JoMaque | July 14, 2020

Iloilo City — Indi na kinahanglan nga mag-quarantine liwat ang asymptomatic patients nga na-release pagkatapos sang 14-day quarantine.

Ini bisan magpositibo pa ang resulta sang iya RT PCR test suno kay Dr. Marie Jocelyn Te sang Department of Health 6.

Sa gin-issue nga advisory sang DOH6 sang Hulyo 10, ginpahayag nila nga mahimo ma-release ang asymptomatic close contacts ukon indibidwal nga kabahin sa sub-groups nga gin-identify sang DOH pagkatapos sang 14 diyas.

Ini bisan wala pa siya gin-test ukon wala pa sang resulta ang iya RT PCR test.

Ini ang nasaad man sa Updated Interim Guidelines for COVID-19 sang DOH.

Sa mga symptomatic patients naman, kinahanglan nila mag-quarantine sa sulod sang 14 diyas ukon tubtob nga mangin asymptomatic bisan ano pa ang resulta sang ila test.

Wala direkta nga nagsabat si Dr. Te sang ginpamangkot kun ano ang layabilidad sang mga local officials kun indi sila magsunod sa advisory sang DOH6 sa pag-release sa mga asymptomatic.

Suno sa pagtuon, infectious ukon makalaton lang ang confirmed case sa sulod sang tubtob 14 diyas.