Iloilo City, nalakip sa ipa-idalum sa GCQ halin Agosto 16-31 -Presidential Spox Roque

By: Aine Grace Bravo

METRO MANILA, August 15, 2020 — Gin-anunsyar ni Presidential Spokesperson Harry Roque nga ipa-idalum sa General Community Quarantine (GCQ) ang Iloilo City halin Agosto 16-31, 2020.

Suno kay Roque, lakip man sa ipa-idalum sa GCQ ang Nueva Ecija sa Region 3, Batangas kag Quezon sa Region 4-A kag Cebu City, Mandaue City, Lapu-Lapu City, Talisay City, kag mga banwa sang Minglanilla kag Consolacion sa Cebu Province sa Region 7.

Iga-anunsyar naman ni Presidente Rodrigo Duterte ang mangin classification sang NCR, Bulacan, Cavite, Laguna kag Rizal sa Lunes, Agosto 17. Magapabilin suno kay Roque sa Modified Enhanced Community Quarantine ang amo nga mga lugar tubtob sa Agosto 18.

Samtang ang nabilin nga mga lugar sa pungsod ang ipa-idalum sa modified GCQ halin Agosto 16-31, pero dapat ipatuman gihapon sang istrikto ang minimum health standards. | via Office of the Presidential Spokesperson