POLICE REPORT | Lalaki, nasapwan patay kag may pilas sang pagkatiro sa San Miguel, Iloilo

By: Aine Grace Bravo

SAN MIGUEL, Ilo., September 4, 2020 — Patay na sang nasapwan ang manugsandiya sa tunga sang talamnan sa Sitio Lanag, Brgy. Santa Cruz, San Miguel, Iloilo pasado las-sais kaina aga, Setyembre 4.

Ginkilala ang biktima kay Jomarie Melendez, 43 anyos nga taga-Hibao-an Norte, Mandurriao.

May pilas siya sang pagkatiro sa ulo.

Suno sa San Miguel police, suspek sa krimen ang kaupod sa gina-tambayan nga balay sang biktima nga si Alfredo Tabiolo. Padayon pa nga ginapangita si Tabiolo.

Nagapadayon naman ang imbestigasyon sang kapulisan sa motibo sa krimen. | via Francisco “Kikik” Enar