Iloilo City Government, nagpahanugot na sa pagbalik-biyahe sang mga fastcrafts pa-Bacolod City and vice versa — MARINA 6

By: JoMaque | Oktubre 13, 2020

Iloilo City — Nagpahanugot na ang Iloilo City Government sa pagbyahe liwat sang mga fast craft halin Iloilo City pakadto Bacolod City kag vice versa.

Ini suno kay MARINA 6 Director Jose Venancio Vero base sa iya pagpakig-angut sa opisina ni Mayor Jerry Treñas.

Una na gin-anunsyar sang Bacolod City Government nga bukas man sila sa pagbaton sang makadto sa ila sakay sa fast craft.

Masapol pa ang nagkalain-lain nga mga shipping agencies sa Oktubre 15 agud desisyunan kun mabyahe na sila kag kun ano nga mga polisa ang ipatuman.