3 bata, patay sang nalumos sa sapa sa Pototan

By: Aine Grace Bravo, Aksyon Radyo Iloilo

POTOTAN, Ilo., October 14, 2020 — Dead-on-arrival sa ospital ang magpakaisa nga nalumos sa sapa sa Barangay Intaluan, Pototan las 9:45 sang aga, Oktubre 14.

Ginkilala ang mga biktima kanday Rodelyn Moreno, 9-tuig; John Arnold Peñafiel, 10-tuig kag Arnold Peñafiel Jr., 6-tuig sang Brgy. Pitogo, Pototan.

Suno kay Mr. Felipe Galino, Commander sang Mountain Tigers Search and Rescue Pototan Unit, sa ila inisyal nga impormasyon, nag-upod ang mga biktima sa pagpamunit sang ila mga magulang sa sapa.

Ginpahayag ni Galino nga nakadanlog ang tatlo ka bata kag wala gilayon natalupangdan sang ila mga magulang.

Na-retrieve na sang ila pamilya ang tatlo ka bata sang nag-abot ang search and rescue group. | via BBB