Trisikad driver, patay sang gintiro sang riding-in-tandem sa Lapuz

By: Aine Grace Bravo, Aksyon Radyo Iloilo

ILOILO CITY, October 14, 2020 — Patay ang trisikad driver nga gintiro sang riding-in-tandem sa Brgy. Rizal Lapuz Sur, Lapuz subong nga hapon.

Gin-identify ni Rizal Lapuz Sur Punong Barangay Wilson Allona ang biktima kay certain Dundee Columbres, 42, tumandok sang Brgy. Rizal, La Paz.

Ginkumpirmar ni PSSg Angel Lemery, imbestigador sang La Paz Police Station, nga dead-on-arrival sa ospital ang biktima.

Suno sa nakakita sang insidente nga na-interview sang Aksyon Radyo News Team, nagapungko na sa iya trisikad ang biktima agud magdul-ong sang pasahero sang gin-ipingan sang riding-in-tandem kag gintiro.

Gina-imbestigaran na sang mga pulis ang motibo sa krimen. | via Francisco Enar/Farrah Mae Morano