#FYI Pre-registration sa National ID System sa November 25-30, indi madayon –PSA

By: JoMaque | Nobyembre 25, 2020

ILOILO – Indi madayon ang pre-registration sa Philippine Identification System ukon National ID System sa Nobyembre 25 tubtob 30 sa Iloilo.

Base sa advisory sang Philippine Statistics Authority (PSA)- Iloilo, gin-reschedule ini pero wala pa mahibaluan ang husto nga petsa.

Maatrasar ang registration bangud naapektuhan sang sunod-sunod nga bagyo rason nga na-delay man ang shipment sang registration kits, materials kag supplies nga kinahanglanon.

Nagpangabay ang PSA- Iloilo sang paghangop.