COVID-19 cases sa Pilipinas, masobra na 430,000

METRO MANILA — Masobra na 430,000 ang kaso sang COVID-19 sa Pilipinas sang nadugang ang 1,773 ka bag-o nga kaso subong nga adlaw, Nobyembre 30.

Gin-report man sang Department of Health (DOH) ang 44 ka bag-o nga recoveries kag 19 ka bag-o nga nagkalamatay.

Lakip sa mga nagpanguna nga may pikamadamo nga bag-o nga kaso ang Rizal – 104; Cavite – 99; Negros Occidental – 88; Davao City – 79; kag Laguna – 72 new cases.

Sa kabug-usan ang Pilipinas may 431,630 cases lakip ang 24,580 ka active cases, 398,658 ka total recoveries kag 8,392 ka total deaths bangud sa COVID-19. | via DOH