Concepcion, Iloilo LGU, temporaryo nga maga-untat sa pagbaton sang LSIs, ROFs, APORs – Mayor Banias

By: Aine Grace Bravo | December 9, 2020

CONCEPCION, Iloilo — Nagpaguwa sang executive order si Mayor Raul Banias kahapon, Disyembre 8, 2020.

Temporaryo nga ginsuspender sang LGU ang pagbaton sang bag-o nga mga locally stranded individuals, returning overseas Filipinos kag authorized persons outside of residence halin Disyembre 10 tubtob 24, 2020.

Base sa EO, sugod Disyembre 25, 2020, limitahan sang LGU sa tag-30 ka LSIs, ROFs kag APORs ang batunon kada semana agud masiguro nga ang maximum nga 60 ka tawo lang ang ma-quarantine sa isolation facility sang banwa.

Pasugtan naman ang home quarantine kun may separado nga kwarto nga may kaugalingon nga CR ang balay, na-inspect sang Medical Team, kag sang naga-istar nga senior citizens, nagabusong kag person with co-morbidities kag pre-existing disease.

Maga-epekto ang EO las-12:01 sang kaagahon sang Disyembre 10, 2020. | via Mayor Raul Banias