Motorcycle rider nga taga-Iloilo City, patay sang nabungguan sang delivery truck sa Aklan

By: Aine Grace Bravo | December 14, 2020

AKLAN — Patay ang motorcycle rider nga taga-Dulonan, Arevalo, Iloilo City matapos nabungguan sang delivery truck sa Barangay Poblacion, Makato, Aklan pasado las-seis kahapon sang aga, Disyembre 13.

Ginkilala ang napatay kay Henry Magdayao II, 35-anyos.

Sa imbestigasyon ni PSSg James Padasas, imbestigador sa Makato MPS, nagsugata-ay ang delivery truck kag motorsiklo sa blind curve nga nagresulta sa aksidente kag pagtabog sang rider.

Gindala pa si Magdayao sa Panay Health Care Hospital, suno kay Padasas, pero gindeklarar nga napatay pasado las-otso kahapon sang aga.

Gin-custody naman sang Makato police ang driver sang delivery truck nga si Julius Ticar, 46-anyos sang Cadiz City, Negros Occidental. | via El John Mejia