Driver patay, angkas pilason sang nakabunggo ang iya motorsiklo sa van sa Mandurriao

ILOILO CITY — Dead-on-arrival sa ospital ang driver sang motorsiklo samtang pilason ang angkas nga babaye sang nakabunggo sa naga-parking van sa Barangay Hibao-an Sur, Mandurriao kagab-i, Disyembre 25.

Suno kay PSSg Louie Alilano, traffic imbestigador sang Mandurriao police station, sang ginpamangkot niya ang babaye, iya ginpahayag nga si Mary Jane Demandante ang iya ngalan samtang si Randy Demandante ang driver nga nagapuli sa Anaros Village, Mandurriao.

Fractured ang wala nga tiil ni Maryjane. Nagahulat siya sa ila nga pamilya sa Western Visayas Medical Center bangud tubtob subong wala pa sang himata nga nagkadto.