10 balay, nasunog sa San Pedro, Molo

By: Aine Grace Bravo | January 4, 2021

ILOILO CITY – Pulo (10) ka balay ang nasunog sa Barangay San Pedro, Molo kahapon sang hapon, Enero 3.

Gintudlo sang mga residente nga naghalin sa balay ni Lydia Diogenes ang kalayo antes naglaton sa mga kaiping nga mga pamalay.

Suno naman kay Diogenes, nakibot siya sang nakita nga may naga-aso sa kilid sang ila balay.

Sa 10 ka balay, pito (7) ang naupos gid, samtang duha (2) ang partially damaged.

Pasado las-singko sang hapon nag-umpisa ang sunog kag gindeklarar nga under control sang mga bombero, las-5:56 sang hapon.

Masobra P500,000 ang kahalitan sang sunog, suno sa Bureau of Fire Protection – Iloilo City. –via Angel Mae Ciudad