Lalaki sa Concepcion, Iloilo nga una gin-report na-missing sa lawod, patay na sang nakit-an
ILOILO – Patay na sang nakit-an ang 31-anyos nga lalaki nga naglangoy kag nagsarurot sa Concepcion fishing port rason nga na-missing kahapon, Enero 4.
Suno kay Concepcion MDRRMO head Engr. Jhon Rey Asturias, pasado las singko kaina sang kaagahon sang nakit-an sa fishing port sang taga-Philippine Coastguard ang lawas ni Elven Bernel sang Brgy. Dungon, Concepcion.
Gilayon nga nagtawag ang PCG sa MDRRMO agud magresponder.May mga pilas si Elven nga posible nakaigo sa mga bato.
Las-12 kahapon sang udto, Enero 4 sang nagpadulong sila sa ila nga pumpboat nga nagdungka sa fishing port bangud mapuli na kuntani sila sa island barangay matapos nagpa-check up sang nadiparahan sang iya utod kag pakaisa nga naglangoy si Elven.
Ginpahayag nga may diperensiya sa paminsaron ang lalaki.
Ginabanta 150 meters na ang ginlangoy ni Elven sang nagsarurot siya kag wala na nakabutwa.
