Supervisor sang kalan-an sa Barotac Viejo, patay sang ginturi konduktor sang bus; Suspek, nagpalagyo

Iloilo — Patay ang 31-anyos nga lalaki sang gintiro sang konduktor sang bus sa bus terminal sa Barotac Viejo, Iloilo alas-1:50 kahapo sang kaagahon, Enero 29, 2021 .

Ginkilala ang napatay kay Gerald Viemes, 31-anyos sang Brgy. Maya, Balasan, kag supervisor sang isa ka kalan-an nga napahamtang sa bus terminal sa Barotac Viejo.

Suno kay Police Major Kenn Albert Lepsia, hepe sang Barotac Viejo Police station, may pagbina-isay nga natabo sa biktima kag suspek nga si Warren Edgar Apresto, 39-anyos sang Balabag, Anilao.

Posible suno kay Lepsia, na-akig si Apresto rason nga gintiro niya si Viemes.

Ginhingagaw pa dala sa ospital ang biktima pero gindeklarar nga napatay bangud sa pilas sa ulo kag dughan. Nakapalagyo naman ang suspek.

Wala sang may na-recover sa lugar kun sa diin natabo ang insidente.

Sa pagpangusisa sang kapulisan, wala sang daan nga hiligut-anon ang biktima kag ang suspek.