12 ka ‘Timbangan ng Bayan,’ ginpahamtang sa mga public markets sa siyudad sang Iloilo

ILOILO CITY — Agud maproteksyunan ang mga konsumedor batok sa pagpangdaya sang pila ka mga negosyante sa merkado, ginpahamtang sang Local Economic Enterpise Office ang 12 ka timbangan ng bayan sa entrance sang mga public markets sa siyudad kahapon, Pebrero 3.

Paagi sini mas mahapos na nga ma-check sang mga bumalakal kun ensakto ang kilo sang ila mga ginpamakal sa merkado.

Magluwas sa mga entrance, ginpahayag man ni LEEO Head Maricel Mabaquiao nga may ginpahamtang man sa mga fish section sang dalagko nga mga merkado.

Katuyuan sini nga mapahanumdom sa mga negosyante nga indi sila pwede makapangdaya bangud pwede nga malantaw liwat sang mga customers ang kilo sang ila ginbakal sa timbangan ng bayan.

Matandaan nga masobra 50 ka mga kilohan nga may daya halin sa mga merkado sang siyudad ang ginpangguba sadto sang LEEO. | via Mayor Jerry Treñas FB