Liga ng mga Barangay sa Iloilo City, wala pa sang may nabaton nga instruction sa himuon nga clinical trials sang Janssen COVID-19 vaccines sa distrito sang La Paz
Iloilo City — Wala pa sang nabaton nga instruction ukon guidelines ang Liga ng mga Barangay Iloilo City sa pagahimuon nga clinical trials sang Janssen COVID-19 vaccines sa La Paz.
Ini suno kay Liga spokesperson kag Calumpang, Molo Punong Barangay Roberto Niño.
Sa pahayag ni Niño, may mga impormasyon na sila nga nabaton, pero wala pa sila nakahibalo kun san-o pagahimuon kag kun sin-o ang mga mapasakop sa clinical trials.
Suno sa iya, ginatutukan subong sang mga ABC District presidents ang COVID-19 vaccination plan sang syudad.
Base sa gin-conduct nga survey sa mga residente, manubo ang numero sang mga nagapabor nga magpabakuna kontra sa COVID-19.
Sa 40% tubtob 45% nga gin-survey nga mga residente sa Iloilo City, wala nakalab-ut sa 20% ang mga nagpabutyag nga luyag nila magpabakuna.
Bangud sini, nag-conduct sang orientation sa mga barangays para mapa-intindi sa mga residente ang ka-importante sang pagpabakuna.
