Mga balayran sa church services, amat-amat na nga dulaon kadungan sang 500th anniversary sang Christianity sa Pilipinas

Iloilo City—Ginpabutyag ni Father Angelo Colada, Director sang Archdiocesan Commission on Social Communications sang Jaro Archdiocese nga ginba-amat amat na sang Simbahan Katoliko ang pagdula sang mga balayran sa church services.

Gintumod ni Father Colada ang mga balayran sa lubong, kasal, bunyag, permits kag certificates.

Gintawag ni Father Colada ang balayran nga arancel system ukon ang fixed amount nga ginabayad sa mga serbisyo sa simbahan.

Ang pagdula sang mga nasambit nga balayran kabahin sang 500 years sang Christianity sa bug-os nga pungsod suno kay Colada.