PRO 6, handa mag-secure sang COVID-19 vaccines

By: Aine Grace Bravo | February 12, 2021

KAMPO DELGADO –Preparado na ang Police Regional Office 6 sa pag-secure sang COVID-19 vaccines kun mag-abot na sa Western Visayas.

Suno kay PRO 6 spokesperson PLTCOL Joem Malong, ma-deploy sang 2,678 ka pulis sa rehiyon agud mabantayan ang mga bakuna.

Sang nagligad nga bulan pa, suno kay Malong, nahuman ang plano kag nagahulat na lang sila sang coordination kun san-o maabot ang mga bakuna.

907 ka mga pulis ang i-deploy sa mga vaccination centers, 756 ang maga-secure sa pag-transport sang mga bakuna, 386 ang reserve force kag 629 ang kabahin sang Quick Reaction Teams.

Naga-coordinate man ang PRO 6 sa Philippine Army sa pagdala sang mga bakuna sa malayo nga mga lugar.

Una na nga nag-apelar si Presidente Rodrigo Duterte sa Communist Party of the Philippines nga indi magpangsabotahe agud safe nga maka-abot sa recipients ang COVID-19 vaccines. –via Aljohn Torreta