Pagpatuman sang Motor Vehicle Inspection System, maayo para sa tanan — Iloilo Gov. Arthur Defensor Jr

Iloilo – Ginpa-athag ni Iloilo Governor Arthur Defensor, Jr. nga maayo para sa safety sang tanan ilabe na sa public transport.

Dugang pa sang gobernador, manami man ang amo nga programa pero kinahanglan nga hatagan sang tiyempo ang mga motorista nga mag-adjust.

Dapat naman nga rasonable suno kay Defensor ang pag-operationalize sang bag-o nga sistema sa mga tag-iya sang salakyan kag wala sang dugang nga balayran agud wala sang damo nga ma-apektuhan.

Ginpahayag ni Defensor nga dapat safe ang mga ginamaneho nga salakyan sa dalanon, may pandemya man ukon wala.