101 new recoveries sa COVID-19, na-record sa Western Visayas subong nga Pebrero 15

ILOILO CITY – Nadugangan sang 101 ka bag-o nga recoveries sa COVID-19 ang Western Visayas subong nga adlaw, Pebrero 15.

Gin-report man sang Department of Health 6 ang 30 ka bag-o nga kaso kag apat ka bag-o nga nagkalamatay.

Base sa case bulletin no. 325 sang DOH 6, lunsay local cases ukon wala sang travel history sa guwa sang rehiyon 6 ang bag-o nga mga kaso sa diin, 15 halin sa Aklan; pito sa Iloilo province; apat sa Bacolod City; tatlo sa Iloilo City; kag isa sa Capiz.

Wala sang bag-o nga kaso sa Antique, Guimaras kag Negros Occidental.

Sa kabug-usan ang Western Visayas, may 24,038 na ka kaso lakip ang 1,079 ka active cases, 22,230 ka total recoveries kag 723 ka mga nagkalamatay bangud sa COVID-19.