9-anyos nga bata nga lalaki, nasapwan nga nagabitay sa iya kwarto sa Dueñas

By: Aine Grace Bravo | February 16, 2021

ILOILO – Patay na sang nasapwan ang siyam ka tuig nga bata nga lalaki sa isa ka barangay sa Dueñas, Iloilo pasado las-12 kahapon sang hapon, Pebrero 16.

Naabtan sang iya lola nga nagabitay sa kwarto si alyas Toto, Grade 3 pupil.

Sa pag-imbestigar ni PSMS Sherwin Silda, imbestigador sa Dueñas MPS, nagdalawat lang sang bugas ang lola. Nagahampang si Toto sa iya cellphone matapos ginsabtan ang iya modules sang naghalin ang lola, pero nagabitay na ang bata sang iya pagbalik.

Nahibaluan man nga naglisensya ang bata sa iya iloy nga makadto siya sa iya amay, pero wala siya ginpasugtan.

Bulagay ang ginikanan ni Toto. Yara sa San Rafael, Iloilo ang amay sang bata samtang may kaugalingon nga pamilya na ang iya iloy sa Manila. – via Francisco “Kikik” Enar