DOH 6, wala sang may na-record nga napatay bangud sang COVID-19 sa Western Visayas subong nga adlaw

ILOILO CITY – Wala sang may na-record nga napatay bangud sa COVID-19 sa Western Visayas subong nga adlaw, Abril 2.

Ini base sa ginpagguwa nga case bulletin sang Department of Health 6. Bangud sini, nagapabilin sa 786 ang total deaths nga na-record sang DOH 6 sa rehiyon.

Nagsaka naman sa 25, 036 ang total recoveries bangud sang 59 ka bag-o nga nag-ayo. Nadugangan man ang rehiyon sang 173 ka bag-o nga kaso.

Sa bag-o nga kaso, 159 ang local cases, siyam ang Locally Stranded Individuals (LSIs) kag isa ang Authorized Person Outside Residence (APOR). Sa 173 ka new cases, 52 halin sa Negros Occidental; 33 sa Bacolod City; tag-23 sa Iloilo Province kag Iloilo City; 18 sa Antique; 13 sa Aklan; duha sa Capiz; kag isa sa Guimaras.

Sa kabug-usan, ang Western Visayas may 27, 832 na nga kaso sa diin 2, 004 ang active cases kag 786 ang total deaths bangud sa COVID-19. – via DOH 6