DOH 6, liwat naka-record sang duha ka napatay bangud sang COVID-19 sa Western Visayas subong nga adlaw

ILOILO CITY – Liwat nga naka-record ang Department of Health 6 sang duha ka panibag-o nga napatay bangud sa COVID-19 sa Western Visayas, subong nga adlaw, Abril 3.

Ini base sa ginpagguwa nga case bulletin sang Department of Health 6.

Bangud sini, nagsaka na sa 788 ang total deaths nga na-record sang DOH 6 sa rehiyon.

Nagsaka naman sa 25, 106 ang total recoveries bangud sang 70 ka bag-o nga nag-ayo. Nadugangan man ang rehiyon sang 109 ka bag-o nga kaso. Sa bag-o nga kaso, 95 ang local cases, apat ang Locally Stranded Individuals (LSIs) kag pulo ang Authorized Person Outside Residence (APOR).

Sa 109 ka new cases, 42 halin sa Negros Occidental; 29 sa Bacolod City; 11 sa Iloilo Province; duha sa Iloilo City; siyam sa Antique; 16 sa Aklan; kag wala sang may na-record nga new cases sa Capiz kag Guimaras.

Sa kabug-usan, ang Western Visayas may 27, 941 na nga kaso sa diin 2, 041 ang active cases kag 788 ang total deaths bangud sa COVID-19. – Via DOH 6