Hepe sang Culasi MPS sa Antique, mahatag sang P5,000 nga padya sa sin-o man makahatag sang impormasyon sa mga nagahimo sang illegal nga pabulang sa banwa

Antique — Nagtanyag sang P5,000 nga reward ang hepe sang Culasi Police Station sa Antique nga si Police Captain Bryan Alamo sa sin-o man makahatag sang impormasyon sa mga nagahimo sang illegal nga pabulang sa banwa.

Suno kay Alamo, tinutuyo sini nga matapna ang mga illegal activities sa ila lugar.

Magluwas sini, may mga pangalan man sang mga barangay officials nga nagaguwa nga amo ang naga-facilitate sang illegal nga pagbulang.

Halin sa kaugalingon nga bulsa ni Alamo ang ihatag niya nga reward money.

Mahimo, suno kay Alamo nga maka-message sa iya Facebook account ang sin-o man nga makahatag sang impormasyon. — via Angel Mae Ciudad