Pinakamadamo nga new cases sang COVID-19 nga na-record sa sulod sang isa ka adlaw sa Western Visayas, gin-report sang DOH 6 subong nga Abril 15

By: Aine Grace Bravo | April 15, 2021

ILOILO CITY – Na-record subong nga adlaw, Abril 15, sang Department of Health 6 ang pinakamadamo nga bag-o nga kaso sang COVID-19 sa sulod lang sang isa ka adlaw sa Western Visayas halin sang nagsugod ang pandemya sang nagligad nga tuig.

Base sa Case Bulletin No. 384, 486 ang bag-o nga kaso, 103 ang nadugang nga naka-recover kag 11 ang new deaths.

Na-record ang new cases sa:

Negros Occidental – 290

Bacolod City – 81

Iloilo Province – 40

Capiz – 30

Antique – 19

Iloilo City – 13

Aklan – 12

Guimaras – 1

Ang Western Visayas may 31,296 COVID-19 cases – 4,038 diri ang active cases; 26,428 ang total recoveries kag 824 ang total deaths.

Padayon ang pagpahanumdom sang DOH 6 sa publiko nga magsunod gid sa minimum public health standards pareho sang pagsuksok sang face mask kag face shield, pagmentinar sang physical distancing kag masami nga paghugas sang kamot agud nga makalikaw sa COVID-19. – via DOH 6