Workplace kag mass gatherings sa Iloilo City, plano himuon nga 30% bangud sa pagtaas sang COVID-19 cases

ILOILO CITY — Plano sang Iloilo City nga himuon 30% ang workplace kag mass gatherings bangud sa pagtaas sang COVID-19 cases.

Suno kay Mayor Jerry Treñas, plano sang syudad nga magdugang sang measures agud ma-control ang COVID-19 cases .

Kun padayon ang pagtaas sang kaso, mapilitan ang Iloilo City COVID Team mag-anunsyar sang mga measures sa mga masunod nga adlaw.

Magluwas sa plano nga 30% nga capacity sa mass gathering kag workplace, ginpahayag sang alkalde nga ilakip niya man ang religious gatherings. Plano man nga dumilian ang face-to-face classes sa syudad.