Iloilo City Mayor Jerry Treñas, masulat sa RITM kag mahingyo nga i-capacitate ang WVMC-SNL agud makahimo sang genome sequencing sa COVID-19 virus

ILOILO CITY – Masulat si Iloilo City Mayor Jerry Treñas sa Research Institute for Tropical Medicine kun pwede nga ma-capacitate ang Western Visayas Medical Center-Sub National Laboratory agud makahimo sang genome sequencing sa SARS-CoV-2 virus nga nagadala sang COVID-19.

Sa sini nga paagi, mahibaluan gilayon kun new variants sang COVID-19 sa Western Visayas.

Sa subong, ang RITM kag UP Philippine Genome Center pa lang ang nagahimo sang genome sequencing sa pungsod.Ginpabutyag naman sang alkalde nga vaccination lang ang sabat sa problema sa COVID-19. –via Aksyon Hotline