12 CCTV cameras, ipahamtang sang LTO6 sa Diversion Road, Mandurriao

ILOILO CITY — Magapahamtang sang 12 ka CCTV cameras ang Land Transportation Office 6 sa Diversion Road sa Mandurriao. Ginkumpirmar ini ni LTO6 Operations Division Chief Atty. Allan Sacramento.

Katuyuan sang proyekto nga ma-monitor ang traffic situation sa lugar kag gilayon nga makaresponder ang mga LTO6 personnel kun may magluntad nga insidente.

Paagi man sa mga CCTV camera, mas mahapos suno kay Atty. Sacramento nga makit-an ang mga krimen nga magkalatabo kag ang mga violations sang iban nga mga drivers.

May i-assign nga personnel ang LTO6 agud 24 oras nga mag-operate sang mga unit dugang pa ni Atty. Sacramento. Ang central office ang mangin server sang ipahamtang nga mga CCTV cameras. — via Aksyon Night Patrol