2 punong barangays sa Arevalo nga nadakpan naga-inum-inom sang makahulubog nga ilimnon sa pampubliko nga lugar, nakasumiter na sang DILG sang ila written explanation

ILOILO CITY — Nakasumiter na sang written explanation sanday Sto. Niño Norte, Arevalo Punong Barangay Melvin Minerva kag Sto. Niño Sur, Arevalo Punong Barangay Cesar Espinosa sa Department of the Interior and Local Government (DILG)- Iloilo City may kaangtanan sa pagdakop sa ila sang compliance team.

Hulyo 3 sang nagpadala sang sulat si DILG- Iloilo City Director Oscar Lim sa duha ka mga kapitan nga nagapangayo sang paathag sa natabo nga pagkadakop sa ila kag gin-isyuhan sang citation ticket bangud sa report nga naga-inom sila sang makahulubog nga ilimnon sa pampubliko nga lugar sang Hunyo 29.

Kaina sang aga, nag-report ang duha sa DILG- Iloilo City. Wala na ginbuyagyag ni Lim ang kaundan sang sulat sang mga punong barangays.

Ginpahayag ni Lim nga magahimo siya sang ocular inspection sa lugar agud nga ma-validate antes magpasa sang report sa DILG Region 6.