8 ka ginapatihan NPA rebels, patay sa military operations sa Alimodias, Miagao — Philippine Army

ILOILO — Walo ang napatay sa military operation batok sa ginapatihan New People’s Army sa Brgy. Alimodias, kahapon sang aga.

Ini ang base sa initial nga impormasyon ni 1st Lt. Elma Grace Abulencia, Deputy Spokesperson sang 3rd Infantry Division sang Philippine Army.

Suno kay Abulencia, ginapatihan myembro sang NPA ang mga napatay. Wala pa sang dugang nga impormasyon sa identity sang casualty.

Base sa impormasyon, madamo sang landmine sa area rason nga nagahalong ang mga suldado.

Na-recover sa lugar ang initial nga tatlo ka M16 riffle kag isa ka AK-47 suno kay Captain Kim Apitong, spokesman sang 3rd Infantry Division sang Philippine Army. — via Aksyon Angel Mae Ciudad