Seismic station sang DOST-PHIVOLCS sa Dueñas, Iloilo, gin-inagurahan

ILOILO – Ginalauman nga daku ang mabulig sang seismic station nga ginpatindog sang DOST-PHIVOLCS sa Dueñas sa earthquake monitoring kag pagpabaskog sang Philippine Seismic Network.

Gin-inagurahan kahapon, Abril 28 ang amo nga seismic station nga nahamtang sa sugarcane plantation sang CASA. Ini na ang ika-115 nga seismic station nga napatindog ang PHIVOLCS sa bug-os nga pungsod.

Nagtambong sa inagurasyon sanday DOST Undersecretary and PHIVOLCS OIC Renato Solidum, Jr., Dueñas Mayor Mamerto Pelopero III, CASA Operations Manager Engr. Admir Arellano, DOST Iloilo PSTC Director Sheila Oberio, Iloilo PDRRM Officer Dr. Jerry Bionat, kag OCD VI Chief Aletha Nogra.