2 patay sang nagbungguanay ang duha ka motorsiklo sa Zarraga, Iloilo

ILOILO – Patay ang mga drivers sang duha ka motorsiklo nga nagbungguanay sa Bga. Bante Barangay sa Brgy. Jalaud Norte, Zarraga kagab-i, Mayo 1.

Ginkilala ang mga napatay kanday Leorin Busil, 40- anyos sang Balud 1, Zarraga, kag Dhomer Yurong, 28-anyos sang Brgy. Sambag, Zarraga.

Suno kay PSSg Ryan Superficial sang Zarraga MPS, natabu ang aksidente sang nag-over take si Busil sa ginasundan nga salakyan rason nga nagbunggo-anay sila sang iya nasugata nga motorsiklo nga ginamaneho ni Yurong.

Dead-on-arrival sa Btac. Nuevo District Hospital si Busil, samtang dead-on-arrival naman sa Iloilo Provincial Hospital sa Pototan si Yuron.