Bangkay sang lalaki, nasapwan sa kilid sang karsada sa San Miguel, Jordan, Guimaras
GUIMARAS – Nagakaya sa kilid sang karsada kag wala na nagaginhawa sang nasapwan ang lalaki sa Brgy. San Miguel, Jordan, Guimaras subong nga aga.
Gin-identify ang napatay kay John Adrian Talaman, ginabanta 25-anyos sang Sta. Teresa, Jordan, Guimaras.
Suno kay Mr. Jimmy Reyes, nagatrabaho sa iya si Talaman bilang kargador.
May nakita nga dugo sa tuo nga dulunggan ni Talaman.
Nag-abot na sa lugar ang SOCO agud mag-imbestigar kun ano ang ginkamatay ni Talaman.
