3 public schools sa Iloilo City, nagsugod na sang limited face-to-face classes

ILOILO CITY – Nakasugod na sang limited face-to-face classes ang tatlo ka mga public schools sa Iloilo City kahapon, Mayo 16.

Ini amo ang Jalandoni Memorial National High School sa Lapuz kag Tabucan Elementary School kag Donato Pison Memorial Elementary School sa Mandurriao.

Suno kay Iloilo City Schools Division Superintendent Dr. Ma. Luz Delos Reyes, 66 ka mga eskwelahan sa siyudad ang nag-apply para sa limited face-to-face classes pero tatlo pa lang ang na-aprubahan.

May ginrekomendar man sila nga mga private schools sa DepEd 6 pero posible suno sa iya nga pa wala ma-aprubahan sang regional office. –via Dave Bucayan

Nagalaum si Delos Reyes nga makabalik na sa face-to-face classes ang tanan nga mga eskwelahan sa siyudad pagbukas sang masunod nga school year sa Agosto.