23-anyos nga engineer nga ginapatihan nakuryente sang charger sa iya hiligdaan, nasapwan patay sa Zarraga
ILOILO — Patay na sang nasapwan ang 23-anyos nga engineer, las-7:13 kahapon sang aga, Mayo 18 sa Zarraga.
Ginkilala ang engineer kay John Paul Tecson sang Dao, Capiz kag temporaryo nga nagatenir sa Happy Homes Subd., Poblacion Ilaya, Zarraga.
Suno kay Police Chief Master Sergeant Jeffrey Sirue, imbestigador sang Zarraga Police Station, natingala ang mga kaupdanan ni Tecson kun ngaa wala pa siya nakabangon kag nakaguwa sa iya kwarto.
Ginsulod nila ang kwarto ni Tecson kag nakit-an nga nagahapa sa iya ginahigdaan nga double deck kag wala na nagaginhawa.
Gindala sa ospital si Tecson apang gindeklarar nga dead-on-arrival. Ginpahayag nga nakuryente si Tecson rason sang iya kamatayon.
Sa imbestigasyon sang Zarraga Police, may nakita sila nga charger nga nakasaksak kag yara sa hiligdaan ni Tecson nga posible gintunaan sang iya pagkakuryente. — via Aksyon Jil Caceres
