60 ka units sang modernized jeepneys nga maabot sa Hunyo, indi apektado sang ipatuman nga LPTRP sang Iloilo City govenment — ICLAJODA President Boyet Parcon
ILOILO CITY — Indi apektado sang ipatuman nga Local Public Transport Route Plan (LPTRP) ang manug-abot nga 60 ka units sang modernized jeepneys sa Iloilo City.
Suno kay Iloilo City Loop Alliance of Jeepney Operators and Drivers Association (ICLAJODA) President Raymundo Parcon, maabot ang modernized jeepneys sa ikaduha ukon ikatatlo nga semana sang Hunyo.
Sundon lang suno sa iya sang mga modernized jeep ang ruta nga ginpalip-utan bangud sa LPTRP.
Sa pagpatuman sang LPTRP, tubtob na lang sa mga perimeter boundary terminals ang tanan nga provincial jeepneys sugod sa Hunyo 12 kag may idugang nga ruta sa siyudad.
Una na nga ginpahayag ni Parcon nga obserbaran nila anay sa Hunyo 12 kun ano ang mangin sitwasyon kag problema nga maatubang sa bag-o nga ruta bangud handa sila nga magdangop sa Land Transportation Franchising and Regulatory Board ukon LTFRB kun may makita sila.
Kun may kulang ang unit sa mga terminals, ayu-on sang ICLAJODA nga dugangan ang units agud indi mahul-an ang mga pasahero.
