Temporary suspension sang LPTRP sa Iloilo City, masugod subong nga adlaw
Masugod subong nga adlaw ang temporary suspension sang local public transport route plan(LPTRP) sang Iloilo City government.
Suno kay Public Safety and Transportation Management Office (PSTMO) head Jeck Conlu, initial pa lang ang temporary suspension subong nga adlaw bisan pa nga nabutang ini sa Executive Order ni Iloilo City Mayor Jerry Treñas.
Ini bangud may mga depasahero nga jeep nga mabalik sa daan nga ruta samtang may jeep naman nga mabiyahe sa ruta nga ginhatag sa ila base sa LPTRP.
Mabatyagan suno kay Conlu ang full suspension sang LPTRP sa Sabado, Hulyo 9.
Posible suno kay Conlu nga magtalang-talang ang mga commuters kag mga drivers sa una nga adlaw sang suspension sang LPTRP rason nga initial pa lang ang suspension sang programa subong nga adlaw.
Sugod subong, pahanugutan nga nakasulod sa siyudad ang mga provincial jeepneys halin las 6 sa aga tubtob las 9 sa aga. Ipatuman naman ang car pass system paglampuwas las 9 sa aga. — via Aksyon Jeremae Ventar
