61-anyos nga babaye, patay sang nahulog sa bubon sa Sta. Barbara

ILOILO — Patay ang 61-anyos nga babaye nga nahulog sa bubon las 4:00 sang kaagahon, Hulyo 12 sa Brgy. San Sebastian, Santa Barbara.

Suno kay PMAj. Rey Pabalan sang Sta. Barbara Police station, ginkilala ang babaye kay Elizabeth Mendez.

Nakita si Mendez nga patay sa sulod sang bubon sang nanag-ub sang tubig ang iya himata.

Nagapati ang iya pamilya nga nadala si Mendez sang timba nga iya ginagamit sa pagpanag-ub rason sang iya pagkahulog.

Ginahulat pa sang pulis ang desisyon sang pamilya kun ipa-autopsy ang iya bangkay.