17-anyos nga dalagita sa Anilao, nagreklamo nga ginhimuslan sang iya chat mate
ILOILO — Nagreklamo ang 17-anyos nga dalagita nga ginhimuslan siya sang iya 21-anyos nga chat mate sa Anilao.
Suno kay Police Corporal Felenilyn Gumban, imbestigador sang Anilao Municipal police station, base sa reklamo ni alyas Nene, natabo ang pagpanghimulos las-10:30 kagab-i, Hulyo 25 sang nagpakigkita siya sa 21-anyos nga si alyas Toto.
Suno kay Nene, ginsugat pa siya sang duha ka abyan ni Toto, ginpasakay sa motorsiklo kag gindala sa katubuhan.
Ginpabutyag ni Nene suno sa pulis nga nagahulat sa amo nga lugar si Toto kag ang isa pa niya ka abyan.
Didto na nga ginhimuslan ni Toto si Nene suno sa pulis.
Matapos ang pagpanghimulos, gindul-ong pa sang mag-abyan si Nene mga 300 metros ang kalayuon sa iya puluy-an suno sa pulis.
Gilayon naman nga nagpanugid si Nene sa iya ginikanan.
Las-6 kaina sang aga sang nag-report si Nene upod ang iya iloy sa Anilao police station rason nga nag-conduct sila sang follow-up operation.
Nadakpan sang police ang apat ka mag-abyan, pero isa lang sa ila suno sa pulis ang naghimulos sa dalagita kag magapangatubang sang kaso nga rape kag tatlo naman bangud sa conspiracy.
