First Lady Liza Marcos, nag-apply sa WVSU nga mangin professor sa College of Law

ILOILO CITY — Personal nga nag-apply sa College of Law sang West Visayas State University si First Lady Louise “Liza” Araneta-Marcos.

Ini suno kay WVSU President Dr. Joselito Villaruz.

Suno kay Dr. Villaruz, magatudlo ang first lady sang Criminal Law sa first semester sang Academic Year 2022-2023.

Ginkumpirmar naman ni Villaruz nga wala pa sang schedule nga nakapalab-ot sa iya opisina kun ano ang schedule ni Marcos.

Kilala naman si Marcos sa iya adbokasiya nga magtudlo sa mga Law school sa pungsod kaangay na lang sang Mariano Marcos State University, Ateneo De Manila University kag Pamantasan ng Lungsod ng Maynila.

Mangin blended naman ang klase sa palaabuton nga school year kag mangin face-to-face lang sa ila mga laboratory subjects, suno pa kay Villaruz.

Ginpahayag pa niya nga isa sa mga nagtulod sa first lady nga magtudlo sa WVSU bangud nga ang iya amay nga si Manuel “Manolet” Araneta ang tumandok sang Jaro, Iloilo City. — via Aksyon Cedrick Anona