Student sang WVSU, nagalaum nga makatipon sang 19,000 ka mga pirma batok sa pagtudlo ni First Lady Liza Marcos sa unibersidad

ILOILO CITY — Ginalauman sang student regent sang West Visayas State University nga makatipon sang linibu ka mga pirma sa ila ginpalibot nga petition letter bilang pagpamatok sa pagtudlo ni First Lady Louise “Liza” Araneta-Marcos.

Suno sa student regent sang WVSU, tinutuyo sang petition nga ipalab-ot ang pagpamatok sang mga estudyante sa pagpasulod sa first lady sa buluthuan agud nga mangin part-time professor sa College of Law.

Dugang pa niya, 70% nga positibo sila nga pamatian sang administrasyon sang WVSU ang panawagan sang mga student organizations.

Nagpatawag naman sang emergency conference si WVSU President Dr. Joselito Villaruz agud nga ma-istoryahan ang concern sang mga estudyante.