Mga pulis, i-deploy sa mga terminals, eskwelahan sa pagbukas sang klase

ILOILO CITY – Plastado na ang security preparation sang Police Regional Office 6 sa pagbukas sang klase sa Agosto 22.

Ginmanduan ni PRO 6 Director PBGen. Leo Francisco ang tanan nga unit commanders sa Western Visayas nga siguruhon nga safety kag matalunsay ang pagbukas sang klase.

Suno kay Francisco, i-maximize sang PRO 6 ang deployment sang mga personnel sa mga matawo nga lugar pareho sang mga terminals, transport hubs, mga eskwelahan, kag dalanon. “There will be established police assistance desks, mobile, foot and detective patrollers in these areas” suno kay Francisco.

Hugot nga koordinasyon naman ang himuon sang kapulisan sa mga school authorities kag local government units (LGUs).