Top softdrinks companies, apektado sang supply shortage sang refined sugar

MANILA – Ginkumpirmar sang Coca-Cola Beverage Philippine Inc., ARC Refreshment Corporation, kag Pepsi Cola Product Philippines nga nagapangatubang sila sang shortage sa Premium Refined Sugar, ang key ingredients sa kadamuan nila nga produkto.

Ini base sa ginpaguwa nga joint statement sang nasambit nga kompaniya.

“We confirm our industry is facing a shortage of Premium Refined Sugar – a key ingredient in many of our products,” suno sa joint statement.

Base pa sa statement nga padayon ang ila pagtrabaho sa iban nga stakeholders sa industriya kag gobyerno agud ma-address ang sitwasyon.

Sang damlag lang, madamo ang nagreklamo nga ginakulang supply sang soft drinks sa magkatuhay nga lugar sa pungsod.

“We thank our customers and the public for their continued support to our products and for their understanding,” dugang pa sa statement.