Jeepney driver nga may balatian sa tagipusuon, patay na sang nasapwan sa Tagbak terminal

ILOILO CITY – Wala na nagaginhawa sang nasapwan sang iya kapareho nga jeepney driver si Ramon Monte, 78-anyos sang Jaro.

Suno kay Jonalyn Pareja nga hinablos ni Monte, madugay na nga nagasuprer sang balatian sa tagipusuon ang iya tiyo.

Tatlo ka adlaw na suno kay Pareja nga wala nakapauli si Monte antes siya nasapwan sa sulod sang jeep sa Tagbak Terminal mga las-siete subong nga aga.

Wala na sang plano ang pamilya nga ipa-autopsy ang bangkay bangud nagapati sila nga napatay si Monte sa balatian.