P500 MILLION CASH AID, I-DISTRIBUTE SANG DSWD SA MGA INDIGENT STUDENTS

MANILA – Ma-umpisa na ang Department of Social Welfare and Development (DSWD) sa pag-distribute sang P500 million nga cash assistance sa mga indigent students halin elementary tubtob kolehiyo.

Suno kay DSWD Secretary Erwin Tulfo, ma-umpisa ang distribusyon sang ila six-week program sa Agosto 20, 2022 kag magapadayon kada-Sabado tubtob Setyembre 24, 2022.

Napaidalom ang programa sa Assistance to Individuals in Crisis Situation (AICS) sang DSWD, suno kay Tulfo.

P1,000 ang mabaton sang elementary pupils; P2,000 sa high school students; P3,000 sa senior high school students; kag P4,000 sa college ukon vocational students.

Ginklaro sang DSWD nga tubtob lang sa tatlo ka kabataan sa kada pamilya ang maka-avail sang nasambit nga cash aid.

Katuyuan sang programa nga makabulig sa mga indigent students sa bug-os nga pungsod agud makabakal sang school supplies kag iban pa nga kinahanglanon sa eskwelahan. –with reports from CNN Philippines